Алик Айдарбаев техника ғылымдарының кандидаты, Қ. Сәтбаев атындағы Қазақ ұлттық техникалық университетінің құрметті профессоры. Мәскеудегі РФ Үкіметі жанындағы Халық шаруашылығы академиясының MBA дәрежесіне ие. Әртүрлі жылдары «Оңтүстікқазмұнайгаз» МАҚ, «Құмкөл-ЛУКОЙЛ» (кейін компанияның атауы «Торғай Петролеум» ЖАҚ деп өзгертілді), «Маңғыстаумұнайгаз» АҚ, «ҚазМұнайГаз» ҰК» АҚ басқарушы қызметтерді атқарды.

2011 мен 2013 жылдар аралығында дейін – «ҚазМұнайГаз» Барлау Өндіру» АҚ бас директоры. Маңғыстау облысының әкімі болды (2013-2017 жылдар), 2017 жылдан 2018 жылға дейін ҚР инвестициялар және даму жөніндегі бірінші вице-министрі қызметін атқарған.